Ամանորյա ծեսը կրթահամալիրի ամենաուրախ ու ամենասպասված տոներից է: Ծեսի նախապատրաստական աշխատանքները սկսվում են հենց ձմռան առաջին օրից:
Մասնակիցներ՝ 2-րդ դասարանի սովորողներ
Վայրը– Արևմտյան դպրոց, ընտանիք
Ժամանակահատվածը՝ Դեկտեմբերի 1-ից 23-ը
Նախագիծն ընդգրկում է ուսումնական գործունեության բոլոր ձևերը:
Նպատակը՝ Նախապատրաստում «Ամանորի ծես» տոնակատարությանը.
Խնդիրները՝
- Ուսումնասիրել տոնին ծառ զարդարելու սովորության առաջացման աղբյուրները
- Իմանալ, թե երբ է աշխարհում և Հայաստանում ստեղծվել այդ սովորույթը
- Պարզաբանել, թե նախկինում ինչպես են զարդարել տոնի ծառը
- Ուսումնասիրել տոնական խոհանոցը, գտնել հետաքրքիր բաղադրատոմսեր
- Զարգացնել որոնողական կայքերից օգտվելու հմտությունները
- Ամրապնդել հարցազրույցներ վարելու, տեղեկատվական նյութեր պատրաստելու կարողություններն ու հմտությունները
- Զարգացնել սովորողների տեխնոլոգիական հմտությունները
- Ուսուցանել Ամանորի և Սուրբ Ծննդյան երգեր
- Ստեղծել շնորհավորական բացիկներ
- Զարգացնել սովորողների մեդիահմտությունները
- Զարգացնել ստեղծագործելու, երևակայելու հմտություններ:
Հետազոտության, ուսումնասիրության թեմաները՝
- Տոնական խոհանոց
- Ինքնաշեն խաղալիքներ, տոնի ծառ
- Ամանորյա ավանդույթները Հայաստանում
- Ամանորյա և Սուրբ Ծննդյան երգերի ընտրանի
- Տոնի խորհուրդը:
Ընթերցանության համար նախատեսվող նյութեր.
Սուրբ ծննդյան հեքիաթ սրինգ նվագող աղջկա մասին
Աշխատանքի կազմակերպման ընթացքը՝
Ծեսի մասին սովորողներն արդեն որոշակի գիտելիքներ ունեն անցած տարիներից: Ի մի ենք բերում ունեցած գիտելիքները:
Ստեղծում ենք աշխատանքային խմբեր՝ վերը նշված տարբեր թեմաներով ուսումնասիրություններ կատարելու համար:
Առաջին խումբը տեղեկություններ է հավաքում տարբեր երկրներում տոնի անցկացման մասին: Ի մի են բերում հավաքած տեղեկությունները, վերլուծում, ընտրում իրենց կարծիքով ամենահետաքրքիր ու ներկայանալի մասերը, ստեղծում են էլեկտրոնային ժողովածու և ներկայացնում ընկերներին:
Երկրորդ խումբը կենտրոնանում է Հայաստանում տոնի անցկացման առանձնահատկությունների, սովորությունների ու ավանդույթների վրա: Այս գործունեության ընթացքում նրանց անհրաժեշտ կլինի ձայնագրիչ, ֆոտոխցիկ, կօգտվեն որոնողական կայքերից, գրականությունից /Տ. Հայրապետյան գրադարան/:
Խմբի անդամները հարցազրույցներ կվարեն, տեսաֆիլմեր կնկարահանեն, համացանցից ու տարբեր գրականությունից տեղեկություններ կհավաքեն թեմայի շուրջ: Կստեղծեն մեդիափաթեթ և կներկայացնեն ընկերներին:
Խոհանոցային գործունեությունը ամեն տարի Ամանորյա ծեսի անբաժանելի մասն է կազմում: Ինչպես միշտ, դպրոցում որևէ հետաքրքիր,տոնական ուտեստ կպատրաստենք կամ էլ կթխենք տոնական տորթ, թխվածքաբլիթ դպրոցում:
Նախագծի մեջ ներառված է նաև «Տոնական խոհանոց» բաժինը: Այն կներկայացվի ֆիլմաշարի տեսքով/սովորողները ինչ որ տոնական ուտեստ կպատրաստեն տանը /:
Ձմեռային նախագծերի աշխատանքների մեջ մտնում է նաև դասարանի, տոնածառերի ձևավորումը: Կպատրաստենք ինքնաշեն խաղալիքներ՝ ձեռքի տակ եղած տարբեր նյութերով: Սովորողների մի խումբ համացանցից կգտնի հետաքրքիր տեղեկություններ ամանորյա զարդարանքներ, խաղալիքներ պատրաստելու վերաբերյալ, կընտրենք լավագույնները:
Մեդիաբացիկների ստեղծում: Ամեն տարի սովորողները ստեղծում են էլեկտրոնային բացիկ-շնորհավորանքներ համակարգչային տարբեր ծրագրերով: Բացիկները տոնական օրերին սովորողը կտեղադրի ենթակայքում՝ որպես շնորհավորանք:
Ինչպես միշտ, այս ուսումնական տարում էլ կրթահամալիրում Ամանորյա ծես կիրականացվի: Նախագիծը կամփոփենք՝ մասնակցելով ամանորյա դիմակահանդես-խաղին:
Ճամփորդություն՝ ամանորյա ներկայացում դիտելու
/ենթակա է խմբագրման/